कमी खर्चाची घरे

घर ही शहरी भारतातील सर्वात आवश्यक गरजांपैकी एक बनली आहे. देशभरातील शहरे आणि नगरांत बहुतेकांसाठी परवडणारे घर हे स्वप्नच आहे. डोक्यावर छप्पर मिळवण्यासाठी ते आयुष्यभर झगडतात; काही यशस्वी होतात आणि बहुतेक होत नाहीत. येत्या दशकांत कमी खर्चाची घरे हे प्रचंड शक्यता असलेले क्षेत्र आहे असे पीपीएन मानते. इथे पीपीएनसारख्या संस्थेसाठी एक भूमिका आहे, एक आव्हान आहे आणि एक ध्येय आहे. कामाच्या व्याप्तीमुळे राज्य आणि केंद्र या दोन्ही पातळ्यांवरील सरकारांना या क्षेत्रात उतरण्यासाठी इतर संघटनांच्या पाठबळाची गरज आहे, ज्या क्षेत्रावर आज शोषक बिल्डर आणि विकासकांचे वर्चस्व आहे.

सध्या शासकीय संस्था आणि खाजगी पक्षांकडे नाममात्र भाडेपट्ट्यावर असलेल्या मोठ्या जमिनींच्या उपलब्धतेचे सर्वेक्षण पीपीएन नागरी संघटनांच्या मदतीने करेल. त्यानंतर बांधील बांधकाम कंपन्यांना सोबत घेऊन, विशेषतः गरीब आणि अल्प उत्पन्न गटासाठी कमी खर्चाच्या गृहयोजना राबवण्याचे प्रस्ताव पीपीएन तयार करेल. मुंबई आणि परिसरात आपल्या पहिल्या कमी खर्चाच्या गृहयोजनेसाठी संभाव्य जागांचा शोध पीपीएन लवकरच सुरू करेल आणि हा विषय राज्य व केंद्र या दोन्ही पातळ्यांवरील सर्वोच्च अधिकाऱ्यांसमोर मांडेल.